Zulmet-i hayrette zikrindir bana vird-i zebân Tûtiyim gûyâ yemin şeker yerim Hindû-sitân İhtilât-i halden çektim ta’allûk dâmenin Kâf-i uzlette bana simurg-nisbet âşyân Cife-i dünyâya çok meyl etmedim kerkes kimi Bir hümâ-tab’ım gıdâ besdir bana bir üstühân Yüz fesâhat tût-i tab’ımda muzmerdir velî Kim tutar âyine kim izhâr edem râz-i nihân Sâkinim bir yerde kim yok i’tibârım zerrece Rûşeni dâ’im hümâ-yi himetim hur-şid sân Kasr-i kadr ü rişte-i derkim refi’olmak ne sûd Çün müsâvidir bu kavme âs-mân ü rismân Şâh-bâz-i himmetim her sayda kılmaz iltifât Şehr-yâr-i rif’atım her mesnedi kılmaz mekân Âlem-i sûrette ger yoktur şükûh ü şevketim Âlem-i ma’nide yok bir ben kimi sâhib-kırân Mesned-ârâ-yi serîr-i devlet-i bâkî benim Kim sözüm zımnında her iklîme hükmümdür revân Devlet-i dünyâ için çekmen selâtin minnetin Fakr sultânı benim kim devletimdir câvidân Bî-tereddüt tutmuşum bahr-i tâ’alluktan kenâr Bî-tekellüf bulmuşum bî-hûde gavgâdan emân Ser-bülendim ser-keşim erbâb-i ucb ü kibre lik Ma’rifet ehline gerd-i râh ü hâk-i âsirân Bendeyim ol mâh-i evc-i rif’at ü ikbâle kim Görmemiştir bir ana mânend devr-i âs-mân Muktedâ-yi ehl-i dâniş hâmi-i erbâb-i fazl Kâr-fermâ-yi zamîr-i pâk tab’-i hurde-dân Nazm-bahş-i mülk Ca’fer Beg ki Rûşen rây ile Feyz-i fıtrîdir ana câh ü celâl ü izz ü şan Tab’-i gerdun tav’-i fermânına etmiş iftihâr Rahş-i devrân râyiz-i râyına tapşırmış inân Dikkat-i efkâr-ı ol gâyette kim fikr eylese Hikmet-i eşyâda tutmaz dâmen-i ilmin gümân Müdrük-i evsâfı rây-sâhib ü tab’-i selim Tâbi-i fermânı akl-i pîr ü baht-i nev-cevân Safvet-i ihlas-ı ol mikdâr kim kahr eylese Hâtır-i bed-hâha kahrından hutûr etmez ziyân Ey şükûh-i rif’atın pirâye-i gül-zâr-i dehr V’ey nizâm-i re’fetin ârâyiş-i mülk-i cihân Bîm-i kahrın cân ü mâl-i haşma berk-i hâne-sûz Lûtf-i tab’ın lâle-zâr-i mülke ebr-i dür-feşân Ser-verâ sen çeşme-i ihsân ü bahr-i lûtfsun Teşne-i şehd-i visâlindir
Fuzûlî nâ-tüvân Ol zamandan kim beni ahlâkın etmiş mu’tekid Hak bilir virdim du’â-yi devletindir her zamân Var ümîdim tâ medâr-i adldir
âlem-penâh Var ümîdim tâ livâ-yi fethdir kişver-sitân Olasın ikbâl ü izz ü rif’at ü iclâl ile Kâm-gir ü kâm-yâb ü kâm-kâr ü kâm-rân Fuzuli
Bu eser Zulmeti Hayrette Zikrindir ismiyle
İlahi kategorisine eklenmiştir.
