Yine Deşt Her Sebzeden

Yine deşt her sebzeden fasl-i hurrem Cihân bi-tekellüf tekellüfde âlem Nebâtât emvâtına vermiş ihyâ Hevâ-yi Hızr-haslet ü İsevî-dem Mesih-i şikûfe zuhûruna mutlak Sabâ atse-i Âdem ü şâh Meryem Bisât-i besâtin ü bast-i reyâhin Biri fâricü’l-hem biri kâşifül-gam Gül evrâkı eşcârda oldu müzmer Ki ma’ni-i nâdir ibârette mübhem Gül-i surh-i sûrî arûs-i Mukanna Dırâht-i şikûfe nigâr-i mu’ammem Anâdil hatibine gül-bün menâbir Şikûfe sipâhına gül-zâr muhayyem Bu gün zülf-i ehl-i melâhatten özge Değil kimse ser-geşte vü dîde pür nem Bahârındır
âyâ bu te’sir bilmem Veyâ devlet-i feyz-i Hâkân-i A’zem Felek-mertebe kutb-i hur-şîd-sîret Ki nev-rûz-i adliyledir mülk hurrem Misâl-i asâlette ismiyle cârî Ezel tâ ebed hükm-i tûğrâ vü hâtem Hisâb-i sahâvette emriyle mecrâ Gedâ adına hâsıl-i ma’den ü yem Eğerçi zamânında mümkindir etmek Gedâ genc-i dinâr ü dirhem ferâhem Bulunmaz bu ma’mürede bir harâbe Defin olmağa genc-i dinâr ü dirhem Nazar feyz-i rûh sıfâtında âciz Hıred cevher-i cismi derkinde mülzem Kemâlât kesbine akl-i mücerred Ne cism-i musavver ne rûh-imücessem Kad-i dil-keşi râyet-inusret-âyet Rûh-i meh-veşi râyet-i fethe perçem İnan ber inan feth ü nusret refîki Ne şarı ki kılsa ‘azimet musammem Semiyy-i Halîl-ahter-i burc-i hikmet Ki rahşınadır gâşiye-keş yüz Edhem Kuzâtın zamîrine izhâr-i dâ’im Hem ef’âl-i müsterhem a’mâli mübrem Kader tek vukûfuna inşâ hemîşe Hem eşgâl-i muğlak hem esrâr-i mübhem Hükümet-şi’ârâ vilâyet-penâhâ Ki câh-i hükûmet sanadır müsellem Eger mâha mihr-i ruhun salsa pertev Meh olmaz dahi mihrden zerrece kem Eger yetse perâneye hükmün ey şem’ Olur mihr-i hâzır ana zâc-i muzlem Şarâb-i mezâkında keyfiyyet-i şehd Mizâc-i sinânında hâsiyyet-i sem Senin pây-bûsun temennâsı birle Kadim tek kad-i âs-man muttasıl hem Zemin pây-bûsunla bir kadr bulmuş Kim ol kadre kâdir değil âs-man hem Şehâ sensin ol gevher-i dürc-i hikmet Ki sendendir elbette her derde bir em Ne dil-rîş kim zahm tek açtı ağzın Sana arz-i hâl etmeğe taptı merhem Fuzuli