Ben Kimim Bir Fakir

Ben kimim bir fakir ü bî-ser ü pâ Kem-terin bende vü kemîne gedâ Sâyir-i kâr-gâh-i sabr ü sükûn Sâlik-i şâh-râh-i fakr ü fenâ Ne mizacımda irtikâb-i gurûr Ne fi’âlim de ihtimâl-i riyâ Künç-i uzlette fakr u fâ-ka ile Olmuşum öyle mahv kim meselaâ Merkez-i hâki etse zîr ü zeber Bulamaz gerdimi nesîm-i sabâ Azl kılmış beni amellerden Âmil-i kâr-hâne-i dünyâ Kılmazam kâr ü bâr-i âleme meyl Çekmezem azl ü nasb için kâvga Bana vermiş cihân kamu fakrin N’ola etsem cihâna istiğnâ Âlim-i uzletin yeganesiyim Kâf’dan Kâf’a yok bana hemtâ Sûretim fakr ü sîretim mün’im Hey’etim mur ü himmetim ankâ Rif’at-i kadrim iltifât etmez Ger Süleyman kılarsa arz-i atâ Fâni-i mutlakım kabûl etmen Mihnet-i Hızr ile Zülâ-i Bekâ Demezem vahşiyim tabî’at ile Tâlib-i zevk-i sohbetim ammâ Bir diyâr içreyim ki halkından
Eylemez hiç kim bana pervâ Kimse yok derdim eylesem izhâr Eyleyem andan iltimas-i deva Lâ’l veş taş içindedir vatanım Gül kimi hârı kılmışım me’vâ Dün bu hâl içre mahv-i hayret iken Geldi bir kâsıd ü getirdi bana Bir aceb nâme-i ferah-te’sir Mahz-i hüsn-i ibâret ü imlâ Zâhiri dil-pezîr ü feyz-resân Bâtını zevk-bahş u rûh feza Nakş-i hattında eltafi sûret Tarz-i lâfzında aşref-i ma’nâ Cilve-gâh-i nazarda her lâfzı Bir perî-i peyker ü melek-sîmâ İşve vü şîve vü kirişme ile Dil edr sayd u akl eder yağma Fehm kıldıkta hüsn-i mazmunûn Kıldım anda surûrlar peydâ Bendeyi lutf birle yâd etmiş Hazrei Seyyid-i huceste-likâ Ol felek-kadr kim ana vermiş Hazret-i Hak kemâl-i sıdk u safâ Zât-i pâki cem’-i âlemden Şeref-i rütbe ile müstesnâ Feyz-i ilm-i ifâde-i beşeri Ana ervâh-u kudsten ilkâ Aslıdır nûr-i pâk-i Mustafavî Hükmüdür revnak-i serîr-i kazâ İlmidir ba’is-i refahet-i halk Fi’lidir mucib-i rızâ-yi Hudâ Az olur bir arada cem olmak Hükm ü’ilm ü hilm ü cûd ü sehâ Azzemallahu kadruhü’l-âli Refe’allahu sânehu’l-a’lâ Zeyedallahu izz ü ref’atihi Neffezallahu hükmühu ebedâ Ey kaza-hükm kim müyesserdir
Zâtına iktidâr-i izz ü alâ Gül-i gül-zâr-i ıtret-i Nebevî Çemen-ârâ-yi millet-i zehrâ Nûr-i çeşm-i tamâmî-i sâdât Muktedâ-yi cem-i ehl-i zekâ Bana taksîr hükmün etmişsin
Demek olmaz bu hükme hükm-i hatâ Lîk bir bende-i hakîrim ben Amelim ehl-i hayra hayr du’a Sâhib-i usretim bana ne düşer Kim olam hem-nîşin-i ehl-i gınâ Mahz-i cehlim bana ne nispettir Ki kılam meyl-i sohbet-i fuzalâ Gerçi eflâkerağbet eyler hâk Yetmez a’laya rütbe-i ednâ Lutf senden bana münâsib iken Benden etmekmutâlebe ne revâ Ey Fuzûlî bu nev-’i da’vâda Maslahattır tutam tarîk-i rızâ Hâl müşküldür anda kim bir ola Sâhib-i hükm ü sâhib-i da’vâ Var ümidim ki tâ mü’essir ola Sâbit ü sâyir ile arz ü semâ Ola hükm-i kazâ ile bâkî Kâdi-i Gâzi-i huceste likâ Fuzuli