Ne Lutfdur Yine Kim Buldu

Ne lutfdur yine kim buldu sebzeden gül-zâr Ne feyzdir yine kim saldı bağa bâd-i bahâr Müzeyyen oldu hat-i sebze ile rûy-i zemîn Letâfet-i hati sebz ile öyle kim ruh-i yâr Hicâb-i gaybda her feyzi Hak ki mahfi idi Cihâna eyledi lutf-i nesîm gül izhâr Safâ- yi âlem için şâhed-i inâyet-i Hak Riyâz-i dehrde arz eyledi gül-i ruhsâr Sahife-i çemene yazdı hâme-i sebze Hat-i delâîl isbât-i Îzid-i Cebbâr Kemâl-i kudret-i Hak fenzurû ûlû’l- ebsâr Görünse halk rızası zamaneden ne aceb Zamâne sûret-i ikbâle oldu âyine-dâr Sipihr-i mihneti altında olsa dehr n’ola Götürdü âyine-i dehrden sipihr gubâr Çerâğ-i berk kılıp şem’-i lâleyi ruşen Sedâ-yi ra’d kılıp çeşm- i nerkisi bidâr Tutuştu hayret ile sîne- i zevi’l-efhâm Açıldı ibret ile dîde-i ulû’l ebsâr Dimağı etti mu’attar hevâ-yi gâliye-bû Hevâyı kıldı mu’anber sehâb-i gevher-bâr Zamîre zevk verip müjde-i teveccüh-i gül Cihâna saldı safâ makdem-i nesîm-i bahâr Anun kimi bu iklîme yümn-i makdem ile Bıraktı zevk u safâ Ser-ver-i sipihr-vekâr Gül-i hadîka-i ikbâl ü serv-i bağ-i hüner Meh-i sipihr-i edeb şehr-yâr i na’t- şi’ar Muhît-i merkez-i devlet Ayâs Pâşâ kim Medâr-i mülkedir ikbâli nokta-i pergar Sipihr menziletî kim bıraksa hâke nazar Kılar havâs ile hâki zer-i tamâm-’ iyâr Muhît- havsalaî kim ger etse katreye meyl Teveccüh ile kılar katreyi dür-i şeh-vâr Sadâkatinde sebât-i sa’adet ü ikbâl Siyâsetinde sevâb-i Muhacir ü Ensâr Salâh ehline hilmiyle vâli-i müşfik Fesâd def’ine adliyle hâkim-i kahhâr Vücîd-i kâmiline Pâd-şâhı Âlem’den Sirâyet eylemiş âsâar-ı saltanat ne ki var Cihân-firûzu gören ol meh-i tamâmı bilir Ki af-tâb-i cihân tâbdandır ol envâr Eyâ bülend-nazar âf-tâb-i evci hüner Ki resmdir sana hüsn-i hasâ’il-i etvâr Kemal-i ma’deletin verdi istikâmet-i mülk Tabîbi-i hâzıka san kim irişti bir bîmâr Münevver eyledi ikbâlin Evliyâ Burcun Livâ-yi adlin olup evliyâya şem-i mezâr Revâc-bahş-i tarîk-i İmâmı A’zam olup Binâ-yi şer ile verdin umûr-i mülke karar Çerâğ-i tal’at ile Kerbelâ’ya saldın nûr Ol âsitânede kıldın dür-i niyâz nisâr Tamâmî-i ümerâdan sana müsellemdir
Ri’âyet-i neseb ü şer’-i Ahmed-i Muhtâr Yeter bu ecr sana ol zeman ki arz olunur Cezâ için Hak’a bir biri i’bâdet-i ebrâr Hilâf-i gayr nasib oldu hîn-i hükm sana Ziyâret-i harem-i pâk-i Hayder-i Kerrâr Kim ol halife-i râbi’dir ü münâsibdir
Sana ki hâkim-i râbi’sin ana kurb-i civâr Şehâ sa’adet ü ikbaline du’a-gûdur Cemi’-i ehl-i cihân kem- terîn Fuzûlî-i zâr Fuzuli