Nideyin Ben Gönlüm Aram Eylemez

Nideyin ben gönlüm ârâm eylemez sensiz şehâ Bende Mevlâsını özler gice gündüz dâ’imâ

İtmesün zâhid baña levm ki tarab eyler deyü Cân kulağına gelür senden beher dem çün nida

Hâlime koymaz beni ‘ışk gönlümi tahrîk ider Muktedâmdur ol benim pes eylerem hoş iktidâ

Zikrin ile rûz u şeb bulur tesellî ehl-i ‘ışk Gönlime ey dost virir zikrin senin zevk u safâ

Geldi Kuddûsî fakirin varını heb aldı ‘ışk Kalmadı ‘ilm ü ‘amel takva edeb ‘ışk u haya Ahmed Kuddusi