Berzahta Kalır İse Bu Garip İnsan

Berzahda kalır ermez ise bu garib insan Envar-ı Muhammed ile enfas-ı Mesiha Ah eyle gönül belki Huda eyleye ihsan Envar-ı Muhammed ile enfas-ı Mesîha Bu ikisidir zübde-i esrar-ı hakikat Bir kamile irgür var ise sende hamiyyet Bu ikiden izhar olur esrarı hüviyyet Envar-ı Muhammed ile enfas-ı Mesîha İster isen vuslatı derun ile ara Kıllet ile zillet ile derd ile ara Nutkeyler olara erse seng ile hâra Envar-ı Muhammed ile enfas-ı Mesîha Tevrat ile ıncil i Zebur Kaf ile ara Bu derde düşen zümre-i esnaf ile ara Bunlar ile erişirsin vuslat-ı yâra Envar-ı Muhammed ile enfas-ı Mesîha Esmalarına emr edip ol Kadir ü Mennan Bir ahsen-i takvim’le yaratıldı bu insan Ol surete nefh eylediği nefha-i Rahman Envar-ı Muhammed ile enfas-ı Mesîha Bil fer’indir alemde olan nur ile ervah Hep cümle maadin ile zi-ruh olan eşbah Aynı da değil gayrı değil ol buna agah Envar-ı Muhammed ile enfas-ı Mesiha Ger ister isen sözlerime hüccet i bürhan Meydanda durur Hazret-i Sami gibi sultan
Can ile gözü sem’i sözü vech ile yeksan Envar-ı Muhammed ile enfas-ı Mesiha Bundan geri Salih dahi sen olma mükedder Sami gibi bir sultanı hem kıldı müyesser Takdir-i Ezel sana da olmuştur mukadder Envar-ı Muhammed ile enfas-ı Mesiha