Her kimin kim oldu âlemde hemân maksûdu zât,
Etmedi hiç bir cihetle mâsivâya iltifat! Çünki vermez gönlünü yâr isteyen ağyârına,
Abidin tâati ârifler katında seyyiât! Cennet için rûz ü şeb sa’y eyleyen âşık değil,
Varsın ol kılsın hezârân savm ü hac ile salât! Ey mürâî,
mü’min olmadın henüz bil kendini,
Çün riya şirk-i hafîdir dedi Fahrikâinat! Mâsivâdan zerre kalmaz zâkirin gönlünde hem,
Bulısar zevk u safâ ruhu dahi cismi hayât! Zikre meşgul ol gece gündüz ki kalbin ola pâk,
Hem fütûh ola müyesser sana min külli-l cihât! Hazreti Kuddûs’e âşık ol hemân Kuddûsîyê,
Koma ağyârın gönlünde her ne ki var ise at!
Bu eser Her Kimin Kim Oldu Alemde ismiyle
İlahi kategorisine eklenmiştir.
