Süleyman Şahintürk

Bâğ-ı hidâyetin hayıf bâğ-bânı Cennetde Ravza-i Rıdvân’e gitdi Dâr-ı seâdetin bu dem derbânı Dergâh-ı Kerîm’e ihsâne gitdi Gülistân-ı dilden döküldü güller Gülbe-i hasretde ağlar bülbüller Seherlerde kan yaş döker sünbüller Kudret katmerleri hazâne gitdi Serây-ı servet-i seâdetimiz Sebeb-i hidâyet şerâfetimiz Dergâh-ı Mevlâ’ya dehâletimiz Rehberi rahmet-i Rahmân’e gitdi Ulemâ-yı ümmet necm-i hüdâdır Ashâb-ı îmânın rûhu fedâdır Bu nûru görmeyen Hak’dan cüdâdır Ehl-i İslâm Hakk’a kurbâne gitdi Seâdet-mend idi tâlib-i Rahmân Muhabbet yolunda ederdi devrân Kabûl etdi anı dergâh-ı Deyyân LUTFİYÂ civâr-ı sultâne gitdi