Gözlerim Göreyim

Perde çekdi nûr-i dîdâre cânân Cennetdir cânıma dâr-ı diyâri Gözlere görünmez gülzâr-ı cinân Ne hikmetdir muhabbetin illeri Gözlerden akıdır hasret selleri Nevreste dilberler kudret gülleri Gerden-i dilberdir ravza-i Rıdvân Nazlı cilvelidir kemân-ebrûler Âfet-i devrândır bu perî-rûler Güneşe şa’şaa verir hûb-rûler Bu mihr-i münevver olur mu seyrân Sabâ ile oynar gerdende teller Bağ-ı sînesinde açılmış güller Vasf-ı cemâlinden lal olmuş diller Görse tâc bırakır emîr-i devrân Geysûler bezetmiş serv-i kâmeti Kim görse mahvolur bu kıyâmeti Hûr u gılmân görse bu kıyâfeti Mir’ât-ı hikmete olurlar hayrân Dest-beste giryândır der-i dergâhde Âşıklar âşüfte olur her gâhde Yanar üftâdeler bu âteş-gâhde Cennetdir âşıka âteş-i sûzân Dîde-i dil görür LUTFÎ dilberi Kenz-i muhabbetdir kimin gülberi Aşk olmuşdur âşıkların rehberi Dergeh-i dildâre giderler kurbân