Arifi Billah Olan Bir Ferd İle

Ârif-i bi’llâh olan bir ferd ile etmez cedel Dünyâ mâl ger giderse gönlüne gelmez halel Mürg-i kerkes-veş olur mu laşe -hâr üftâdesi Merd-i meydân-ı hidâyet eylemez tûl-i emel Dîde-i irfân ile kıl sen nazar ibret ile Dünyâyı gark eylemişdir kahr ile bahr-i zelel Har kadar aklı olan rûh-i revânı sevkeder Tahsîl-i rızâ-yı Hakk’a işte bu hayru’l-amel Gözedir günden güne evlâd ıyâlin mevtini Îmân İslâm ile Hakk’a varalar bilâ-ılel LUTFİYÂ dârü’l-emân dergâh-ı Mevlâ’dır bize Bâb-ı dergâh-ı İlâhî hiç yıkılmaz bir temel