Mahsus

Derd-i derûn dasdı ummâne döndü Bu derdin dermânı Lokmân’e mahsûs Ecel yakın bu cân kurbâne döndü Dest-gîrlik ancak Rahmân’e mahsûs Âteş aldı cihân zâhir ü nihân Çâr-kûşede yokdur bir dârü’lemân Mürg-i ankâ olmuş cihânda îmân Kãdir ü Kayyûm’dan fermâne mahsûs Merhamet-i Mevlâ ümîd-gâhımız Hak’dan gayri yokdur bir penâhımız Şer-‘i şerîf idi şâh-ı râhımız Yevm-i kıyâmetde dîvâne mahsûs Hakkã İslâm olup râhı gözetmek Kitâbu’llah ile dîni bezetmek LUTFİYÂ çenber -i çarhı düzeltmek Mehdî âl-i Resûl sultâne mahsûs