Günden Güzel Gül Yüzlere

Nergîs bakışlı gözlere âhû-yi Çîn kurbân olur Geysûlerine dilberin bâd-ı sabâ vakt-i seher Değse eğer kişver-i dil müşg-i tâtâr reyhân olur Mir’ât-ı vahdet-veş çalar envârını dilden dile Cânân cemâlin gösterir görülmemiş devrân olur Aşkın güneşini gönül gördü ise rûz-i elest Elbet o nûr-i vahdetin kurbiyyeti Rahmân olur Bir şâhid-i kudsî ki var pîr-i mugãndan sor anı Görse eğer cân gözleri mülk-i dile sultân olur LUTFÎ der-i dergâh-ı yâr çâr-çeşmiyle âşıkların Vuslatını gözler güzel kendi yine derbân olur