Didarı Dilbere Nazarbaz Olma

Dîdâr-ı dilbere nazar-bâz olma Seni bir bakışla târ u mâr eyler Cemâl-i cânâne dil-endâz olma Seyf-i celâlini âşikâr eyler Zülf-i zer-efşâne bâd-ı sabâdan Dolaşsa telleri gelse hevâdan Gönül zevk alınca o dilrubâdan Âşıklar sadrını müşg-bâr eyler Dilber-i tannâzın serv-i kâmetin Kurb-i kıyâmetdir rûy-i âfetin Cemâline bakma mihr-i kudretin Derûnun derdini sad-hezâr eyler Sahn-ı sînesinde hikmet gülleri Ders-i aref okur cân bülbülleri Dest-beste civânlar olmuş kulları Mürg-i rûhu dutar yâr şikâr eyler Kamer-veş ebrûler kemân kurulmuş Şems ü kamer cemâline urulmuş Güneş-veş bir güzel kande görülmüş Felekde hurşîdi bî-karâr eyler Çâker eyler İskender ü Dârâ’yı Kim görse cân verir bu dilârâyı LUTFÎ fark eylemiş ağ u karayı Bedende cânları bî-karâr eyler