Ey sâkî-i devr-i zemân gözler seni mestâneler Ey fâtih-i dâru’l-emân devrân eder peymâneler Ey sâkî-i meyhânemiz gözler seni mestânemiz Şem’a yanar pervânemiz açıla şerâb-hâneler Sâzendelerin sâzına bak mestlerin niyâzına Mağbeçenin hem nâzına candan geçer dîvâneler Ellerde şerâb gülleri gerdende gül kâkülleri Nağme-nevâdır dilleri meyhânede dürdâneler Ebrû kemân bir nev-civân zülf-i siyeh serv-i revân Pîr-i mugãn âlî dîvân kurmuş döner rindâneler Verir şerâb-ı vahdeti mestâne eder himmeti Sermest bulur bu devleti içer mey-i mîrâneler Ejder eden asâları mest eyleyen Mûsâ’ları Ref’eylemiş Îsâ’ları LUTFÎ bu şerâb-hâneler
Bu eser Ey Sakii Devri Zaman ismiyle
İlahi kategorisine eklenmiştir.
