Sakii Meyi Vahdet

Sâkî-i mey-i vahdet eylerse eğer himmet Meyhâne-i ma’nâda başıma konar rahmet Demhânede peymâne güneş gibi berrakdır Cân dîdesine cândır yeter mi ana kıymet Şerâb-ı şerî’atdir bâde-i muhabbetdir Erbâbı verir cânı bir câne nedir minnet Mekteb-i meârifde hikmet okunur elbet Tullâb-ı meârife üstâdı eder şefkat Deryâ-yı muammâdır bir arş-ı muallâdır Bu neyyir-i a’zamı kim görse eder hurmet LUTFÎ bu kerem-rûler saldı seni sevdâya Yok elde diğer çâre şi’r ile eder ülfet