Bir Yıl Eğer Vasfın Diyem

Bin yıl eğer vasfın diyem bir zerresin tüketmeyem Bir katrede yüz bin deniz bir noktasın
şerh etmeyem Ne mesel bağlasam olur ne hod gönül karar kılur Kim benzetir misl ü misâl haşa onu benzetmeyem Kim ede bir nakş u sûret nakş u sûretten ol azâd Cümle akıllar sende mat nice özür gözetmeyem Çün akıl fenâya vara deli ola ne başara Delilere sensin
çâre deli oldum pes n’etmeyem Öğret imdi dil ne desin şart oldur seni söylesin
Tevfîk yârı kılar ise gayri dile söyletmeyem Ne der isen sen de bana koma beni benden yana Benim hacetim bu sana bana beni istetmeyem Çün pâdişâh güçlü ola pes kul fuzûl işli ola Ben seninim bana ne gam ger suç edem ger etmeyem Çün kim girdim bu denize ne kenâr var ne cezire Çün dört yanımdan mevc ura teknem kâvî hiç batmayam Benim değil bu keleci varlık senin Yunus neci Çün dilime sensin kadir sensiz lisân depretmeyem