Vâdii hayretde kalma Vâsıl olmağa sa’y eyle Bugünü yârına salma Vâsıl olmağa sa’y eyle Seni aldar bu dehr-i dûn Nef’ eylemez malı bunun Nefs elinde olma zebûn Vâsıl olmağa sa’y eyle Uyanıklardan olagör Hakk aşkı ile dolagör İstediğini bulagör Vâsıl olmağa sa’y eyle Hüvel evvel hüvel âhir Hüvel bâtın hüve-z-zâhir Hakk’ı her yerde gör zâhir Vâsıl olmağa sa’y eyle Varan saray-ı  vahdete İrmiş kemâli rif’ate Ger tâlib isen izzete Vâsıl olmağa sa’y eyle Nice bir âdet ü bid’at Nice bir fâniye rağbet Bulagör bir bâkî devlet Vâsıl olmağa sa’y eyle Varlığın yabane atub Kâmiller yolunu tutub Geceyi gündüze katub Vâsıl olmağa sa’y eyle Âkil isen derviş eğer Durma çalış şam u seher HÜDAYÎ’den güş et haber Vâsıl olmağa sa’y eyle
Bu eser Vasıl Olmağa Sa'y Eyle ismiyle
İlahi kategorisine eklenmiştir.
