Can Senden İstimdad

Eyâ cânlara cân sultân Umar cân senden istimdâd Yolunda vârım olsun fân Diler cân senden istimdâd Fenâ bulsa kamu evlâd Dahi âbâ vü hem ecdâd Hemân budur sana feryâd Umar cân senden istimdâd Ne savm u ne salâtım var Ne hacc u ne zekâtım var Ne kadr u berâtım var Diler cân senden istimdâd Elim boşdur yüzüm kara Anunçün oldum âvâre Bu derde eylegil çâre Umar cân senden istimdâd Çalab’ın başı hakkıyçün Gözünün yaşı hakkıyçün İçerü taşı hakkıyçün Diler cân senden istimdâd Eğerçi men hatâ kıldım Bilirim yolda yanıldım Tapına yalvara geldim Umar cân senden istimdâd Dilimde devr eder virdin Ki müştâkıyım ol ferdin Bize dermân yeter derdin Diler cân senden istimdâd Gerekmez
âlem-i fânî Gerekmez küfr ü îmânı Gereksin cânı cânânı Umar cân senden istimdâd Sinan Ümmî umar ey cân Olasın seyrine mihmân N’ola ger edesin ihsân Umar cân senden istimdâd