Ey Gönüller Derdine

Bir onulmaz derde düş oldum meded Nutfei nâçize cân ihsan eden Bir onulmaz derde düş oldum meded Âsitanın hastaya dârişşifa Şerbet-i vaslın kamu derde deva Çâre et kim kaldım uş ben mübtelâ Bir onulmaz derde düş oldum meded Gâh yerim pervâne gibi oldu nâr Eyledim bülbül gibi gâh ahu zâr Bir mekânda etmedi gönlüm karar Bir onulmaz derde düş oldum meded Nâr-ı firkatde biraz oldum harik Bahr-i hayretde biraz oldum garik Âkibet girdâbe erişti tarîk Bir onulmaz derde düş oldum meded Takatım tâk oldu büküldü belim Geldi erişdi kazadan uş ölüm Tut elim lütfeyle âçı ver yolum Bir onulmaz derde düş oldum meded Ne fenâ bağında uçdu andelib Ne bekâ buyundan erişdi nasîb Vadii hayretde kaldım ben garib Bir onulmaz derde düş oldum meded Ne erişdi câna sağlıkdan sürur Ne makamı rahat olmuşdur kubur Hiç bir halile ( hal ile ) bulamadım huzur Bir onulmaz derde düş oldum meded Zâtın envârın yeter etdin nihân Zulmet-i hayretde kaldı akl u cân Derdinin dermânı vaslındır hemân Bir onulmaz derde düş oldum meded Taşı güher toprağı insân eden Zerrei gün katreyi ummân eden Ey kamu müşkilleri âsân eden Bir onulmaz derde düş oldum meded