Ârifin mutlak kelâmın duymağa irfân gerek Sırr-ı muğlaktır gönülde zevk ile vicdân gerek Bir hazînedir tasavvuf mâlik olmaz her hasis Bulmağa anı dü âlemde beğim sultan gerek Dürr-i yektâ kânını âlemde bulmak isteyen Bulmaz anı nehr içinde bahr-i bî-payân gerek Ma’rifet dâ’vâsın eden müddeî bilmez mi kim Dildeki dâ’vâya elde hüccet-ü bürhân gerek Ârif oldur halkı başına üşürmek istemez
Gönlü cümle halk içinde hâk ile yeksân gerek Kibr-ü ucbun illetinden kurtulup sağ olmağa Bil tabîbin mâ’nâda Şeyhin senin Lokmân gerek Şöhret ıssı ma’rifet kenzini bulmaktır muhal Varlığın şehri senin baştan başa vîrân gerek Ölmeden evvel ölüp kabre girip haşre çıkıp “Mâlik-el mülk”-ün şuhûdunda gönül hayrıçün gerek Nefsi tamûsun sırât-ı şer’i ite bunda geçüp Kalb evi hep hûr-û gilmân cennet-i rıdvân gerek Söyleyip işittiği dahî görüp fikrettiği Üstüvâ-i arş-ı sırda hazret-i Rahmân gerek Her kaçan tûtilere feth-i dehân ettikde ol Lezzetinden tûtiler sözlerine nedmân gerek Geh hamûş olup dilinden kimse almaya cevap Geh açılıp şâd olup güller gibi handân gerek Gâh üns,
gâh haşyet gâh rü’yet geh sucûd Gâh sahv-ü gâh mahv geh vücûd geh cân gerek Terkedüp cümle kuyûdâtı erişe Sırfe ol Sırfe erse bir gönül içi anın ummân gerek Aradan iskât edip cümle izâfâtı hemân Hakk vücûdu âşıkâre gayrisi pinhân gerek Çünkü âridir izâfattan vücûdu dilberin Zevk-i küllî isteyen âşık dahî üryân gerek Mısrıyâ terk-i izâfât etmeğe lâyık olan Kümmel-i insân içinde bindebir insân gerek
Bu eser Arifin Mutlak Kelamın ismiyle
İlahi kategorisine eklenmiştir.
