Müşkülüm Var Size

Kim sevâbın vere olsun Hakk katında bermurâd Ol ne kesrettir ki anın haddi yok pâyânı yok Kesret içinde ne vahdettir ki ana yok idâd Çoktur envâı bu halkın biri insân üç bölük Biri ehl-i hayme,
birisi kurâ,
biri bilâd Üç bölükten üç bölük dâhi bölünmüş ey hoca Biri kâfir,
biri Mü’min biri ehl-i inkıyâd Kangısı Hakk’dan irağ olmuş buların söyle gel Kangısı kâdir ki Hakk emrine eyleye inâd Hakk’ın iken her tasarruf bu abes sözler nedir Nefs-ü şeytân dediğin kimlerdir eylerler fesâd Dünyâ-vü ukbâ dahi hem haşr-ü neşr olmak nedir Bunları bildir bana hem ne dürür mebde-i meâd Âhirette cennet-i nîrân-ü berzâh kim denür Bunların aslı nedendir oliser yevm-ittenâd Kahr-ü lûtfun illeti bir demenin aslı nedir Bu ikinin vahdeti midir aceb râh-ı sedâd Yani râhat ayni mihnet,
mihneti râhat mıdır Cümleden râzı mıdır Hakk ber tarîk-i ıttırâd Hakk tealâdan yakın insâna bir şey yok denür Lîk bildir kim dürür Allah ya kimdir ibâd Men aref le mâ remeyt-e iz remeyt-e remzini Fark ede gör mümkün ise ber sebîl-i infirâd Müşkülü çoktur Niyâzî’nin veli biri de bu Zâhid anlasa Hakk’ı zühdü neden olur kesâd