Gözlerini noldu bî-dâr eyledin Âh-u efgânı sana yâr eyledin Aşk ödüyle içini nâr eyledin Noldu bülbül işini zâr eyledin Ne sebebden azm-i gülzâr eyledin Noldu ağlarsın ne eylersin taleb Bu tükenmez derdine noldu sebeb Güldeki dîdârımı gördün aceb Noldu bülbül işini zâr eyledin Ne sebebden azm-i gülzâr eyledin Bu fenâ gülzâre talibsen eğer Hiç bekâsi yoktur anın tez geçer Bu fenâ içre bekâ duydun meğer Noldu bülbül işini zâr eyledin Ne sebebden azm-i gülzâr eyledin Ber-karâr olup biraz eğlenmedin Dâim ağlarsın durup dinlenmeden Kimse bilmez hâlini anlatmadın Noldu bülbül işini zâr eyledin Ne sebebden azm-i gülzâr eyledin Bunca hasretten di cânım ne sezer Firkâtin günden güne artup gider Lûtfedip var gel Niyâzî’ye haber Noldu bülbül işini zâr eyledin Ne sebebden azm-i gülzâr eyledin
Bu eser Ne Sebebden Azmi Gülzar Eyledin ismiyle
İlahi kategorisine eklenmiştir.
