Seraser Bu Cihanın Canı Sensin

Ser-âser bu cihânun cânı sensin yâ Rasûla’llâh Bu âlem cânınun cânânı sensin yâ Rasûla’llâh Ezelden tâ-ebed mühr-i nübüvvet sendedür kat‘a Hakîkat müşkinin sultânı sensin yâ Rasûla’llâh Girilmez bir kadem dergâh-ı Hakk’a sensiz ey rehber Kamu derd ehlinün dermânı sensin yâ Rasûla’llâh Şefaat ya Resulallah Nur-i tevhid-i Hüdadır rehberı âşıkların Aşkı şevki kibriyadır rehberi âşıkların Yem-i ilm-i İlâhî’de vücûdun dürr-i yektâdur Hakîkat gevherinün kânı sensin yâ Rasûla’llâh Dem-i cân-bahşun ile bahş olupdur feyz-i kuddûsî Bu irfân dürrinün ummânı sensin yâ Rasûla’llâh Ayağun toprağınun zerresidür Hakkı-i zârun O zerre denlinün tâbânı sensin yâ Rasûla’llâh Cihânda cümleden maksûd sensin yâ Rasûla’llâh Bu bâzâr-ı kevnden sûd sensin yâ Rasûla’llâh Cihân bir micmer-i pür-tâb-ı envâr-ı tecellîdür Bakılsa ûd-ı irfân-dûd sensin yâ Rasûla’llâh Egerçi mazhar-ı feyz-i vücûd oldı cihân ammâ Mukaddem cümleden mevcûd sensin yâ Rasûla’llâh Şefâ‘at itmez isen tîr-i fürkatde kalur sâlik Yine dergeh-res-i ma‘bûd sensin yâ Rasûla’llâh Reh-i ‘ışkunda Hakkî bî-ser ü pâ derd-mendündür Elin tut kân-ı lutf u cûd sensin yâ Rasûla’llâh