Bugün Bir Talibi Fakram

Bugün bir talîb-i fakram ki devlet neydüğün bilmem Mezellet mesnedinde şâhım izzet neydüğün bilmem Derunum ol kadar evkâr-ı câm-ı feyz-i ma’nâdır Ki dâ’im mest-i aşkam gayri hâlet neydüğün bilmem Gedâlar defterinde yok durur Kânûn-i Sultânî Beni ta’yîb etme resm-ü âdet neydüğün bilmem Gözüm şol bir cemâlin kâ’be’sin dâim tavâf eyler Bu sahn-ı âlem-i vehm içre kesret neydüğün bilmem Benim hûrî vü ğılmânum dilimde aşk-u şevkumdur Bugün dâru’s-selâmem ğayri cennet neydüğün bilmem Hâkâ’ik Hakkı’yâ kalb oldu aşk-ı pâk ile bana Tecellî etti bir rahmet ki zahmet neydüğün bilmem