Gönül Fikri Hayalinle

Gönül fikr-i hayâlinle sabahlar yâ Resûlallâh Olur şem’-i cemâlinle sabahlar yâ Resûlallâh Alîl-i pister-i hicrin enîn ü zâr edip dilden Temennî-i visâlinle sabahlar yâ Resûlallâh Seherlerde gönül teşrifin özler dîde-i câna Tenezzül ihtimâlinle sabahlar yâ Resûlallâh Ziyâ-yı ruhsârın nihân olur ise dilden Hayâl-i zülf ü hâlinle sabahlar yâ Resûlallâh Leyâlî-i tahayyül içre dil bezm-i tasavvurda Cemâl-i bî-misâlinle sabahlar yâ Resûlallâh Şeb-i gamda girişse bî-nevâ dil-hân-ı vaslınla Ümîd-i hûn-ı nevâlinle sabahlar yâ Resûlallâh Hadîs-i zülfünü tahdîs ederse leyle-i hicran Salâhî kıyl ü kâlinle sabahlar yâ Resûlallâh