Kalk ey gönül feryâda gel vakt-i seher vakt-i seher Mahbûb-ı aşkı yâda gel vakt-i seher vakt-i seher Uykudan uyan eyle zâr maksûdunu isteyü var Vere murâdın Kirdigâr vakt-i seher vakt-i seher Kalk bak ki her yan açılu âleme rahmet saçılu Her ne dilersen dopdolu vakt-i seher vakt-i seher Etsen ki “yâ Rabbim” Hudâ “lebbeyk” deyü eyler nidâ Dur yatma kalk yalvar ana vakt-i seher vakt-i seher Her ne dilersen
Kibriyâ ihsân eder ol bî-riyâ İste murâdını dilâ vakt-i seher vakt-i seher Zikr eyle gel Ma’bûdunu kim göresin meşhûdunu Tâ bulasın maksûdunu vakt-i seher vakt-i seher Hulûsî yârı yâda gel gamdan dili âzâda gel Bülbül gibi feryâda gel vakt-i seher vakt-i seher
Bu eser Kalk Ey Gönül Feryada Gel ismiyle
İlahi kategorisine eklenmiştir.
