Bahr-i irfândır dilâ ehl-i dilin dilhânesi Dürr-i şehvârdan doludur anların vîrânesi Mey-i ma’nâ kuvveti erbâb-ı kalbin sohbeti Neşreder lübb-i muhabbet mest olur bî-gânesi Kenz-i irfândır derûnu derd ile deryâ olan Nûr-i tevhîd şem’inin anlar olur pervânesi Kim kemâlât ehline peyrev ola elbet olur Zî-seâdet âkıbet merdaneler merdânesi Şehperi zer-dûz olur âşıkların vakt-i seher Yâr ile hem-dem olanın nûr dolar cân-hânesi Bezm-i vahdet sırrının cemʻiyyetinde cân veren Ol olur kişver-i dilde tahtının şâhânesi LUTFİYA bir mîr-i meydân bulmak ister ve’s-selâm Âkıl ola bir nazarla âlemin dîvânesi
Bu eser Bahri İrfandır Dila ismiyle
İlahi kategorisine eklenmiştir.
