Husni Zannım Halıkıma Pek Çokdur

Meydân-ı tevhîdde merd-i merdâne Şem’a-i îmâne oldum pervâne Mâlik oldu gönül nûr-i irfâne İkrâr u tasdîkımelde dürdâne Giderim cennete iki bir yokdur Husn-i zannım Halik’ıma pek çokdur Sebkat etdi seâdet-i ezelî Tevhîd ettim ezel ben lem-yezeli Kâdir Allah kâinati düzeli Mahbûbumdur güzellerin güzeli Giderim cennete iki bir yokdur Husn-i zannım Halik’ıma pek çokdur Nûr-i basîretle gördüm cihânı Seyreyledim âşikâre nihânı Tevfîk-i Hak dilde tevhîd bürhânı Açıldı ebvâb-ı feyz-i Rabbânî Giderim cennete iki bir yokdur Husn-i zannım Halik’ıma pek çokdur Aklı olan bilir hatâ sevâbı Güneş-veş meydânda Hakk’ın kitâbı Emru’llâhı dutan görmez itâbı İrfân tarîkıyle aldım hitâbı Giderim cennete iki bir yokdur Husn-i zannım Halik’ıma pek çokdur Kabûl ettim cândan emr-i Kurân’ ı İnkıyâd eyledim dutdum fermânı Namaz kıldım aldım bûy-i RAHMÂNÎ Secdede seyretdim zevk-ı îmânı Giderim cennete iki bir yokdur Husn-i zannım Halik’ıma pek çokdur Allah’ın bizlere büyük ikrâmı Müyesser eyledi dîn-i İslâmı Bu İslâmdır seâdetin i’lâmı İslâmların selâmetdir encâmı Giderim cennete iki bir yokdur Husn-i zannım Halik’ıma pek çokdur Salât ise Hakk’ı büyük bilmektir Zekât ise Allah için olmakdır
Oruç ise hubb-i Mevlâ bulmakdır
Îmân ise Kur’ân ile kalmakdır
Giderim cennete iki bir yokdur Husn-i zannım Halik’ıma pek çokdur Hacc ise bir ziyâfet-i Hudâ’dır Ziyâret-i Kâbe emri edâdır İslâm olan emru’llâhe fedâdır Kalb-i mü’min kenz-i nûr-i hüdâdır Giderim cennete iki bir yoktur Husn-i zannım Halik’ıma pek çoktur Erişdi gönlüme feyz-i Sübhânî Aks etdi dimâğa bûy-i Rahmanî Kur’ân ise bize Hakk’ın bürhâni Hakk’dır mansûr eden ehl-i îmâni Giderim cennete iki bir yokdur Husn-i zannım Halik’ıma pek çokdur Şerî’atle olan dînine mâlik İlm ü hayâ ile dutan mesâlik Allah ile olan olur mu hâlik Emr-i tarîkatle giden bir sâlik Giderim cennete iki bir yokdur Husn-i zannım Halik’ıma pek çokdur MUHAMMED LUTFÎ’nin yerdedir yüzi Ümîdi Allah’dır dergâhde gözi Hubb-i Hudâ salmış derûne sızı Hudâ elbet sever niyâz u nâzı Giderim cennete iki bir yokdur Husn-i zannım Halik’ıma pek çokdur