Bugün Bu Devri Alemde

Bugün bu devr-i âlemde nice cânlar bulup devlet Niceler kahr-ı Kahhâr’ı kazandı buldular zillet Niceler sırr-ı tevhîdi derûnunda edüp ibkâ Muhabbetle derûnunda ibâdetle edüp ülfet Niceler bahr-i şehvetde olup gark buldular husrân Derûnunu şekâvetle mülevves eyledi gaflet Niceler dergeh-i Hakk’a dutup yüz ilticâ eyler Ubûdiyyet ile Hakk’a dü-âlem aldılar kıymet Niceler esîr-i dâm-ı hevâ-yı nefs ile kaldı Düşüp bahr-i şekâvete derûnları dolup zulmet Niceler dîde-i irfân ile mir’ât-ı vahdetde Nazar-dâr oldular alıp güzel gözlerine ibret Kerem-i Kerim’e LUTFÎ tevekkül eyle yoksa ki Ne mümkindir halâs olmak meğer Mevlâ ede nusret