Bulmasın yâ Rab tarîk-i aşka sâlikler zevâl Aşksız âlemde insânlık muhâl-ender-muhâl Aşkdır bir katreyi bin merdüm-i dânâ kılan Aşkdır bir katreyi eyler harâm eyler helâl Aşksız insâna hayvândan edâldır dedi Hak Kâinât varsa fenâya aşka yoktur ihtimâl “Kenz-i mahfî” cevheri aşkdır o gevherden çıkar Cümle mevcûdun vücûdu nûr u nâr necm ü hilâl Kenz-i aşkın remzidir
Ahmed Muhammed Mustafâ Hubb-ı Haydar olmasa ol kenz göstermez cemâl Nûr-ı Ahmed’dir o gevher hem odur mir‘ât-ı Hak Âşıka seyr-i cemâl bî-aşklar görmüş celâl Cür‘a-i câm-ı ezel mestânesi ârifleri Zevk-i ukbâ âfet-i dünyâ eder mi pây-mâl Herkesin dünyâsı kendi gönlüdür anda olur Ya hayâl-i hâm-ı hasret ya esîr-i zülf ü hâl Dâm-ı unsurdan halâsa çâre ancak aşkdır
İhtirâs tûl-i emel ceng ü cedel evlâd ü mâl Dört melek derler mukarreb çâr unsur aslıdır
Akl cibrîl refrefi aşk aşkla açdı perr ü bâl Ey Kemâlî aşksız fazl u kemâl tâlibleri Oldular bunlar ezelden düşmen-i fazl u kemâl
Bu eser Aşk'dır ismiyle
İlahi kategorisine eklenmiştir.
