Gül müdür bülbül müdür şol zâr u efgân eyleyen Ten midir ya cân mıdır hem arşı seyrân eyleyen Nâr u bâd u âb u hâkin gel haber ver aslını Kim bunların her birini emre fermân eyleyen Âteşin germiyyetinin sırrını duygur bize Hem hilâf üzre anı kimdir gülistân eyleyen Yelda kimdir geh nesîm ü geh sabâ zevkin verir Gâhî hışm ile nice beldeyi vîrân eyleyen Kimdir anı bana göster şol sularda durmayıp Rûz u şeb yüz üstüne aşk ile cevlân eyleyen Hâk ne ma’dendir biter andan ma’âdin geh nebât Kimdir anı gâhi hayvan gâhi insan eyleyen Ay u gün yıldızları kimdir tutan vergil haber Hem ne sır için dönerler bunca devrân eyleyen Bâde birdir sâkî bir meclisteki yârân da bir Bâdenin keyfiyyetini kimdir elvân eyleyen Kiminin mescidde boynun eğdirip zâhid kılan Kimini meyhânede serhoş u sekrân eyleyen Zâhidin benzini sarardıp ağlatan kim hem nedir Kâfirin küfrü dahi fâsıkda isyân eyleyen Halkdan ayırmış yüzin pinhâna çekmiş özünü Ne arar kendini halkdan böyle pinhân eyleyen Görse mahbûbu gönül bî-ihtiyâr mâil olur Ehl-i derd uşşâkı kimdir zâr u giryân eyleyen Kim bu sırdan kimini mahrûm edip câhil eden Kimini mahrem edinip ehl-i irfân eyleyen Vahdet ehli cümlede bir yüzü seyrân etdiler
Lîk görmez ol yüzü kesretde tuğyân eyleyen Ey Niyâzî kim vücûdun terk ederse ol durur Cümle yüzler içre ol bir yüzü seyrân eyleyen
Bu eser Gül müdür Bülbül müdür ismiyle
İlahi kategorisine eklenmiştir.
