Ana Sayfa Abdullah Tamamlar
Tövbe kıldım yâ ilâhî neccinâ mimmâ nehâf Gerçi kıldım her günâhı neccinâ mimmâ nehâf Hâdî sensin yoldan azdım sen hidâyet vir bana Gösteriver doğru râhı neccinâ mimmâ nehâf Ya gıyâse’l-müstagîsîn işbu ‘âsî kuluna Sen ‘inâyet kıl nigâhı neccinâ mimmâ nehâf Nitekim kıtmîri mahrûm itmedin bizi dahi Sen kabûl eyle kemâhi neccinâ mimmâ nehâf Yâ ilâhî suçlarım çokdur benim sen ‘inâyet kıl bana Kim kıluram dün gün âhı neccinâ mimmâ nehâf Kâdıye’l-hâcât sensin kim senin kapun durur Cümle başuın secdegâhı neccinâ mimmâ nehâf Sen şu sultânsın ki dâim yüz tutup dergâhına Dir bu kamu dünyâ şâhı neccinâ mimmâ neḫâf Hâcetim bir ‘aşk u derddir
Hazret’inden yâ Ganî İstemezem milk ü câhı neccinâ mimmâ nehâf Bizi şol sôfî vü sâfîler safında cem’ kıl Kim kodular hânikâhı neccinâ mimmâ nehâf El-amân bu nefsim elinden agisnâ yâ Mugîs Kim direm her gâhi gâhi neccinâ mimmâ nehâf Bizi Şeytân leşkerinin gâretinden kıl emîn Hem kamu mîr ü sipâhı neccinâ mimmâ nehâf Sensin âhir kamu yerde yâ emâne’l-hâifîn Korkulu kullar penâhı neccinâ mimmâ nehâf Çün segâirden kebâirden be-küllî nâdimem Kim kıluram dün gün âhı neccinâ mimmâ nehâf Âh ki mâlâya’nî yerde cehl ile harc eyledim Bunca ‘ömr ü sâl u mâhı neccinâ mimmâ nehâf Ey Hudâyâ fazlın ile vâsi’ ü pür-nûr kıl Bize ol karanu çâhı neccinâ mimmâ nehâf Cânımı mecrûh kıldı zahmı nefs oklarının Olmuşam omacgâhı neccinâ mimmâ nehâf Ağlayu kapuna geldük tapuna yalvarmağa Topraġa sürüp cibâhı neccinâ mimmâ nehâf Rahmetin deryâlarından katrece eksilmeye Kansa bin bin teşne dahi neccinâ mimmâ nehâf Ağlamakdan
çağlamakdan yaşlarım kıldı sepîd Gözüm ü yüzüm siyâhı neccinâ mimmâ nehâf Bu Kemâl Ümmî za’îfin tevbesin sen kıl kabûl Pâdişâhlar pâdişâhı neccinâ mimmâ nehâf X
Bu eser Neccina Mimma Nehaf ismiyle
İlahi kategorisine eklenmiştir.
