A-Z Dizin search Giriş Yap Kayıt Ol Ana Sayfa visibility Derdli olan kullarına kıl devâ Yâ Ehad ü yâ Samed ü yâ Kerîm Tâ ki seni zikr edeler dâimâ Yâ Ehad ü yâ Samed ü yâ Kerîm Aldatmasın halkı bu gaflet meded Gâfile tevfîk ü hidâyet meded Kullarına lutf ü inâyet meded Yâ Ehad ü yâ Samed ü yâ Kerîm Bir kul efendiden olıcak ‘ırak Cânına te’sîr eder anın firâk Derdlilere ‘ayn-ı ‘inâyetle bak Yâ Ehad ü yâ Samed ü yâ Kerîm ‘Âşık u sâdık kulu koma garîb Gülden ‘ırak olmaya tâ andelîb Eyle ana gülşen-i vaslın nasîb Yâ Ehad ü yâ Samed ü yâ Kerîm Müznib olan gâfile gufrân senin Derdlilerin derdine dermân senin Kullarına lutf ile ihsân senin Yâ Ehad ü yâ Samed ü yâ Kerîm Mevce gelüp bahr-i kerem yemm-i cûd Lutfun ile ‘âleme verdin vücûd Fazlın ile ver yine nûr-ı şühûd Yâ Ehad ü yâ Samed ü yâ Kerîm Lutf ile göster bize yâ Rab cemâl Tâ olavuz lâyık-ı bezm-i visâl Fazlın ile bula Hüdâyî kemâl Yâ Ehad ü yâ Samed ü yâ Kerîm
Bu eser Dertli Olan Kullarına Kıl Deva ismiyle
İlahi kategorisine eklenmiştir.
