Şemi Şamı Firkatım

Şem-i şâm-i fırkatım subh-i visâli n’eylerim Tapmışım yanmakta bir hâl özge hâli n’eylerim Gayra arz et her ne esbâbın ki var ey dehr-i dûn Ben ki ehl-i zevkım esbâb-i melâli n’eylerim Yok aceb ger mâle rağbet mülke kılman iltifât Ben gedâ-yi kûy-i aşkım mülk ü mâli n’eylerim Ehl-i hâlim deme büt vasfın bana ey büt-perest Hâl bilmez dil-ber-i sâhib-cemâli n’eylerim İhtimâl-i hecr teşvîşine değmez zevk-i vasl Vasl kim var anda hicrân ihtimâli n’eylerim Nahl-i kaddin isterim k’andan belâdır hâsılım Bakmazam şimşâda ber vermez nihâli n’eylerim Sen Fuzûli kıl kemâl-i akl kesbin yoksa ben Kâmil-i aşkım dahi özge kemâl-i n’eylerim Fuzuli