Ey gönül tahsîl-i sîretdür bu sûretden murâd Âşinâ-yı ma’rifet olmakdur ülfetden murâd Devlet-i dünyâya yokdur ragbeti ‘âşıklarun Kîmyâ-yı ‘ışk imiş ‘âlemde devletden murâd Ğarka-i mahv ü fenâ ol terk idüp inniyyeti Bir dür-i yektâya irmekdür hakîkatden murâd Vâsıl-ı dergâh-ı Rabbü’l-‘âlemîn olmak durur Mürşid-i kâmil ile ‘âlemde sohbetden murâd Mübtelâ-yı derd-i ‘ışk ol cidd ü cehd it ey gönül Bu gönül derdin kazanmakdur bu sıhhatden murâd Hakkıyâ sevdâ-yı hâm-ı mâsivâdan fârig ol Mâsivâ-yı Hakk’ı terk itmekdür ‘iffetden murâd
Bu eser Ey Gönül Tahsili Siretdir ismiyle
İlahi kategorisine eklenmiştir.
