🎵 Meni Candan Usandırdı
Video aranıyor ve otomatik olarak eklenecek...
Bu işlem sadece ilk ziyaretçi için yapılır
Beni cândan usandurdı cefâdan yâr usanmaz mı? Felekler yandı âhumdan murâdum şem’i yanmaz mı? Kamu bîmârına cânân devâ-yı derd eder ihsân Niçün kılmaz bana dermân beni bîmârı sanmaz mı? Gamum pinhân dutardum ben didiler yâre kıl rûşen Disem ol bî-vefâ bilmem inanur mı inanmaz mı? Şeb-i hicrân yanar cânum döker kan çeşm-i giryânum Uyarur halkı efgânum kara bahtum uyanmaz mı? Gül-i ruhsâruna karşu gözümden akar kanlı su Habîbüm fasl-ı güldür bu akarsular bulanmaz mı? Değüldüm ben sana mâ’il sen itdün aklumı zâ’il Bana ta’n eyleyen gâfil seni görgeç utanmaz mı? Fuzûlî rind-i şeydâdur hemîşe halka rüsvâdur Sorun kim bu ne sevdâdur bu sevdâdan usanmaz mı?
