Zebholundu mâh-ı sâbıkda Mina kurbânları Mâh-ı cârîde kesildi Kerbelâ kurbânları Küştegânı ol ayın ber-mûcib-i tenzîl idi Muktezâ-yı hâl teblîgât-ı Cibrîl idi Ol ayın kurbânları mensûb-i İsmâîl idi Katlolunmuşdur bu ay ammâ Hudâ kurbânları Bundaki kurbânıyân hâssân-ı dergâh-ı ilâh Cümlesiydi nûr-i pâk-i zü’l-Celâl’e cilvegâh Bak ne kurbânlar kesildi yevm-i âşûrâda âh Bunlara benzer mi hiç ‘ıyd-i edhâ kurbânları Zebholundu mâh-ı sâbıkda Mina kurbânları Mâh-ı cârîde kesildi Kerbelâ kurbânları Resm-i dili islâm olan su gösterir kurbânına Kimse sîyrâb etmeden kurbânın kıymaz cânına Bir de bak ibretle yâ hû Kerbelâ meydânına Hep boğazlandı susuz Âl-i Abâ kurbânları Zebholundu mâh-ı sâbıkda Mina kurbânları Mâh-ı cârîde kesildi Kerbelâ kurbânları Hâk-dem kurbânı kaldırmak dahî mu’tâd iken Yevm-i âşûrâda bu resm olmadı cârî neden Kaldı üç gün üç gece çöllerde bî-gasl ü kefen Kumlar üstünde Resûl-i Kibriyâ kurbânları Zebholundu mâh-ı sâbıkda Mina kurbânları Mâh-ı cârîde kesildi Kerbelâ kurbânları Na’ş-i maktûle ihânet bir sitemdir dil-hırâş Eylemez bu fi’li kâfir de olursa bağrı tâş Atların tırnaklarıyla oldu lâkin hurdahâş Sîm ten nâzik beden ol Murtezâ kurbânları Zebholundu mâh-ı sâbıkda Mina kurbânları Mâh-ı cârîde kesildi Kerbelâ kurbânları Meyyit olmak resm iken derhal medfûn-i türâb Kaldılar ma’rûz-i belaya âfitâb Sîne-i sad-çâk ile uryan u püryân şeyh u şâb Sîne-i sad-çâk ile ma’rûz-i peykân şeyh u şâb Güneş altında Ehl-i Beyt-i Mustafâ kurbânları Zebholundu mâh-ı sâbıkda Mina kurbânları Mâh-ı cârîde kesildi Kerbelâ kurbânları Ka’be bu ayda neden giymiş libâs-ı mâtemi Ya neden gözden akıtmış eşk-i dürr-i zemzemi Bağrını dâim hacerle dövmesi beyhûde mi Katlolunmuşdur bu ay ‘ıyd-i safâ kurbânları Zebholundu mâh-ı sâbıkda Mina kurbânları Mâh-ı cârîde kesildi Kerbelâ kurbânları Arş-ı Rahmân korkarım çöksün yıkılsın yerlere Hâlet-i gaşy ârız olsun Hazret-i Peygamber’e Ellerinde hep kesik başlar giderken mahşere Bir alay hûnîn kefen yevmi’l cezâ kurbânları Zebholundu mâh-ı sâbıkda Mina kurbânları Mâh-ı cârîde kesildi Kerbelâ kurbânları Kâhir ismin cilvesâz etmez mi Rabbü’l-âlemîn Zâr ü zâr etmez mi giryân enbiyâ vü mürselîn Rabbena’hküm beynenâ mâ beyne kavmi’z-zâlimîn Söyledikçe Fâtıma hayru’n-nisâ kurbânları Zebholundu mâh-ı sâbıkda Mina kurbânları Mâh-ı cârîde kesildi Kerbelâ kurbânları
Bu eser Zebholundu Mahı Sabıkta ismiyle
İlahi kategorisine eklenmiştir.
