Ummanı Kerem

Ummân-ı kerem rahmet-i Rahmân Ramazân’ dır Isyânımızın afvine fermân Ramazân’dır Ol şân-ı kerem lutf-i kadîm eyledi ihsân Derdliler içün Mü’mine Lokmân Ramazân’ dır Gülzâr-ı gülistân-ı gönül nûr olur elbet Hurşid-i hüdâ menzil-i Kur’ân Ramazân’dır Mahbûb-i Hudâ hazret-i Mahmûd u Muhammed Emr etdi bize memdûh-i Sübhân Ramazân’ dır Dilden dile neşretdi bu mâh nûr-i hidâyet Cân gözlerine envâr-i irfân Ramazân’ dır Câmileri cennet gibi nûr eyledi elbet Dergâh-ı hüdâ fethine derbân Ramazân’dır Leyle-i Kadir’de açılur bâb-ı tecellâ Dil cennetinin kasrına rıdvân Ramazân’ dır Mü’minlere âşık dediler rahmet-i Rahmân Ol bahr-i kerem mecme-i gufrân Ramazân’dır Arşdan dökülür ferşe kadar emtâr-ı rahmet Taksîm edecek rahmeti sultân Ramazân’dır LUTFÎ gibi muhtâc olanı afv ede Allah Rahmân u Rahîm rahmet-i Mennân Ramazân’dır