Eyâ cânlar içinde cân fedâdır yoluna cân u baş Be-hakk-ı Âyet-i Kur’ân fedâdır yoluna cân u baş Gönüller derdine dermân fedâdır yoluna cân u baş Efendim Mazharî Sultân fedâdır yoluna cân u baş Eyâ kâmil arasında ledünnî ilmine kânım Yüzüm sürmeğe pâyına göz eyyâmın göyer cânım Karârım yok benim sensüz ki sensin dinim îmânım Efendim Mazharî Sultân fedâdır yoluna cân u baş Yanıldım gerçi işimde ki bir yanlış bâzâr etdim Hatâmız tutma lutf eyle dönüp andan güzâr etdim Gurâb adıyla bülbülün adın anmağa âr etdim Efendim Mazharî Sultân fedâdır yoluna cân u baş Bilirsin derd-i aşkınla ki muhkem bağladım özüm Güderim kanda gidersen izinden ırmazam gözüm Eğer cehrî eğer mahfî ki vallâhi budur sözüm Efendim Mazharî Sultân fedâdır yoluna cân u baş Gümâmım gitdi billâhi ki buldum sırrını bende Firâkın âteşi her dem karâr itmez yanar cânda Eğer yahşi eğer yatlı olupdur pâyına bende Efendim Mazharî Sultân fedâdır yoluna cân u baş Senin himmet-i âlinle gelir bu dilime sözler
Katarım ağzına lâyık her âdem aşına tuzlar
Kör olsun iki âlemde iki yüze bakan gözler
Efendim Mazharî Sultân fedâdır yoluna cân u baş Bi-hamdi-llah Pîrim buldum gerekmez gayrı Pîr bana Bi-hamdi-llah yârim buldum gerekmez gayrı yâr bana Bi-hamdi-llah nûrum buldum gerekmez gayrı nûr bana Efendim Mazharî Sultân fedâdır yoluna cân u baş Bu mudur zannın ey şâhım uyam âlemde ağyâra İrel’den dest-i dermânın onuldı bende hep yara Efendim Mazhârî Sultân fedâdır yoluna cân u baş Sinan Ümmî senin yolunda bir kâsır kâşifindir
Hemîşe mürüvvetin umar ki bir âciz ü zaîfindir
Terahhum kıl kerem eyle ki bî-çâre nahîfindir
Efendim Mazharî Sultân fedâdır yoluna cân u baş
Bu eser Fedadır Yoluna Canu Baş ismiyle
İlahi kategorisine eklenmiştir.
